張建聲搵命博 60磅肉增完減
於電影《一路向西》飾演戇直港男令觀眾留下印象的張建聲，為了挑戰自己，將接拍蕭定一監製的黑色喜劇《高登闊少踎監日記》（暫名），內容是搞笑年輕版《監獄風雲》，張建聲飾演大反派「監獄肥霸王」，需要由現在140磅增肥至200磅，電影預計明年二月開拍，即張建聲要在短短兩個月增肥60磅！
不過由於張建聲聖誕接了不少活動騷，現在先小試牛刀，「輕量級」地增磅，日啪六隻蛋、三杯高脂奶，早餐食叉雞飯，他說：「初初真係好唔慣，食到好滯，有時真係想嘔，（劇本有乜嘢吸引你去增肥拍戲？）個角色好特別，係一個惡人但做啲嘢又好白癡、好癲，（型仔變肥仔，好大犧牲喎！）我雖然有少少貪靚，但我好想演好每一部戲，所以就豁出去演。」
挑戰呂良偉
當年呂良偉為拍電影增40磅令人留下深刻印象，如今張建聲增夠60磅，是否想挑戰對方？張建聲表示：「絕對唔敢咁講，向前輩學習就真，因為明年五月左右又要拍番《一路向西2之泰西》，所以會再極速減番磅，公司都會同我買重保險。」而《高》片另一男主角為王宗堯，其他角色則有雨僑、莊思敏等，近期導演孫立基正物色拍攝地點。
文：影視組