梁嘉琪掃零食 咬咪止癮
無綫小花梁嘉琪前日幫襯街邊檔買零食，掃了一大袋戰利品走人，付款時適逢電話響起，邊傾邊拿銀包的她，情急起來竟然用口咬實hand free個咪！
梁嘉琪由有線過檔無綫後工作不斷，拍劇又做主持，相當受重用。前日下午4時半，不用開工的梁嘉琪現身中環，戴上cap帽的她穿上厚厚外套，只見她行經街邊零食檔，馬上投入地揀唔停，似為日後開工入定貨。
電話突然響
只見梁嘉琪不消一會已揀中一大袋零食，餅乾、糖果、朱古力應有盡有，正當她掏出銀包付錢時，手中的電話突然響起，雖然已戴上了hand free接聽，但要同一時間收找贖零錢，又要接過一大袋戰利品，梁嘉琪即時顯得手忙腳亂，未知對方是否聽不清楚對話，只見梁嘉琪忙亂中竟然用口咬實個hand free來講。此時梁嘉琪發現記者在旁拍攝，即時尷尬地大叫：「喺我最狼狽嘅時候先影人哋！」然後笑笑口離開。
文、攝：追蹤組