黃秋生妒忌張家輝太型
藝人黃秋生、鄧萃雯、鄭中基和張兆輝，前晚出席主演的電影《四大名捕2》首映禮。對於與同期上映、有劉青雲和張家輝主演的《掃毒》打對台，秋生說：「真係想睇，本來有呀邊個我永遠都唔睇嘅。（張家輝？）係呀，有佢我永遠都唔睇，因為佢咁有型，嫉妒佢咁有型。如果呢套由我做主角呢，就一定贏。」黃秋生表示下部作品將與蔡卓妍做對手，他說：「我同蔡卓妍有感情線，（父女情？）睇死我唔可以拍愛情戲？唔係父女呀，係情侶呀。」
同場，鄧萃雯表示因為黃秋生才接拍《四》片，問到是否有肉搏戲份？她笑言「你想多咗」。她解釋因與秋生合作才可做一個小女人。
另外，黃秋生昨於香港電影資料館出席《舊日戲院昔日情》活動，秋生透露正籌組班底準備競逐演藝人協會會長一職，他謂：「如果已經做得完美，我就叫曾志偉唔好走啦！」秋生還揚言之前約志偉出來開會，但對方經常因種種原因失約。