麟李閃爆開騷屋企人忍尿撐

譚詠麟及李克勤一連十三場的《歐洲坊鐘錶與溥儀眼鏡聯合呈獻左麟右李十週年演唱會》昨晚假紅館正式開鑼，全場爆滿，阿倫媽媽、克勤父母、黃子華、贊助商邱子傑夫婦等到場支持。演唱會準時於八點半開場，以四面台設計，兩邊設有特別靠近台邊的VIP「屋企人位」，讓一眾死忠粉絲可以更靠近偶像。

一開場阿倫與克勤從中間台升起，分別化身閃爆「黑戰士」及「銀戰士」登場，一出場即獻唱《愛的根源》、《飛花》、《一生中最愛》等經典歌曲。

克勤以閃爆造型大唱經典。	阿倫媽媽亦有捧場。	黃子華到場睇騷。

已開四十幾場騷

「成軍」十年的兩人之後在台上大晒輝煌戰績，阿倫說：「唔講唔覺，左麟右李已經開咗四十幾場！」克勤說：「嘩，我哋十日加埋開咗十三場喎！」阿倫續說：「03、04、09年，到今時今日已經開咗四十幾場，加埋海外過百場！」克勤之後向台下首次入場的新粉絲說：「唔好意思，你哋Miss咗好多嘢！」

之後兩人行近「屋企人位」親親粉絲，阿倫說：「呢啲叫屋企人位，你哋一定排咗好耐隊，一知有得買飛隔晚5，6點開始排隊。」克勤說：「仲可以實習忍尿！」阿倫之後笑對困在台上動彈不得「屋企人」說：「呢啲位唔可以尿頻！」

文：音樂組