阿叻生日P 學友到賀碎不和

陳百祥（阿叻）昨晚在跑馬地舉行派對慶祝63歲生日，好友狄波拉、鬍鬚Kong、鍾鎮濤、彭健新、陳友、區瑞強、何麗全、林國斌、港姐朱千雪及岑杏賢等到賀，連最近傳不和的歌神張學友亦有現身，非常驚喜！

25歲後冇發育

學友表示送上時裝做賀禮，他笑說：「今日唔嚟唔得，傳我哋不和吖嘛！（點睇呢件事？）傻傻哋嘅，點解不和？我都諗唔到理由！（專登嚟粉碎謠言？）係阿叻打畀我嘅。（平時有聯絡？）都係生日嗰啲，平時少啲。（不醉無歸？）唔會喇！（上台唱歌？）睇環境啦！」阿叻則以迷彩Look現身，非常Sharp醒，他笑說：「我都冇腦囟嘅，25歲後都冇發育！（生日願望？）全部人都開心、身體健康。」

打扮醒目的阿叻獲老婆安排派對賀壽。

首次參加阿叻生日P的朱千雪（左）與岑杏賢送上朱古力。

他表示最多謝球會晨曦班主周文曦安排球賽，更讓賽讓他射入五球，令他感覺飄飄然，自媲曼聯球星雲佩斯：「人生要求係咁低，射下波就開心！（想少啲是非？）我冇呀！全部正shot，唔認為係是非，做自己認為啱嘅嘢。」他表示派對由太太黃杏秀負責，摯友曾志偉則在北京「做人情嘢」，對於無綫申請「HKTV」專利，阿叻說：「同車牌一樣，（香港電視）自己作個囉！有時想有未必有。」

彭健新

鍾鎮濤

愛將送朱古力

曾被指是阿叻愛將的朱千雪攜同大袋朱古力到場，她表示首次參加阿叻Party：「同岑杏賢夾份，知佢鍾意食嘢。（阿叻親自請你？）台慶嗰晚叫我哋。（送birthday kiss？）留畀秀姑送啦！」彭健新表示送上鮑魚，笑言阿叻鍾意「冇骨啖啖肉」，鍾鎮濤（阿B）及陳友表示會表演，阿B說：「最緊要開心，好耐冇同溫拿Jam歌喇！」身穿粉紅外套的拉姑則表示送上健康及心意。

文：影視組