陳嘉桓冤家路窄 馬德鐘被「運」走

2011年女星陳嘉桓與藝人馬德鐘及陳浩民等一同到橫店拍劇，收工後大夥兒去飯店消夜，之後Rose被拍得遭醉酒的陳浩民「狼吻」，而馬德鐘亦被拍得「攬攬」呵呵予以安撫，事件被傳媒圖文並茂刊登，其後陳浩民哭喪道歉，而Rose就虛弱現身。昨日Rose與馬德鐘夫婦分別出席護膚品活動，活動由楊千嬅夫婿丁子高負責任公關，而邀請通告上亦一早列出三人均會出席。

嚟午膳冇諗其他

昨日中午陳嘉桓率先現身，問她知否馬德鐘也會出席？她說：「唔清楚，係大會邀請我嚟，不過大家都做呢行，有時都會有啲突發情況，（會唔會尷尬？）我今日嚟呢個活動最主要係食lunch同埋睇吓啲新產品，冇諗其他嘢，專注做自己嘅嘢，（會唔會勾起你嘅不快？）每次不快我都會反省，之後會繼續做好，唔會做冇必要嘅嘢！」至於下次出席活動會否詢問清楚？她說：「公司有查詢，不過有啲嘉賓會突然多咗出嚟！」

身為公關的丁子高為馬德鐘出面解畫。

馬德鐘做體貼老公，陪太太出席活動。

微博留言陪老婆

而在陳嘉桓訪問期間，馬德鐘夫婦已經到場，公關就問記者稍後要否跟馬德鐘做訪問？此話一出不久，丁子高突然快步走出門外拉走馬氏夫婦，安排二人由秘道進場，避開正在做訪問的陳嘉桓及記者群，成功避過「尷尬場面」。事後丁子高解釋馬德鐘純粹以私人性質陪伴太太出席活動，沒有收取酬勞，若拍照訪問便變成公開活動。丁子高對此說：「馬德鐘只係陪太太出席，（係咪避開陳嘉桓？）唔係最主要，同埋都過咗去咁耐，冇特別諗，而且嘉賓名單都係之前嗰日先更新。」為求「平息」記者疑問，丁生繼續解釋：「咁佢如果私人性質出席活動又影相做訪問而冇通知TVB，都唔係咁好啦！」

活動後，馬氏夫婦立即在微博留言，其中馬德鐘更刻意寫道：「今日陪太太以私人性質出席……午宴，還高興遇見智慧與美貌並重的美女莫文蔚……。」本報記者事後致電他，問到是否避開陳嘉桓？他說：「我係以私人性質去，我都唔知佢喺度，而且（事件後）大家都唔係第一次見到對方，所以唔會避忌。」

文：名人組