JC折現賀Ana R.嫁

昨日「警鐘模」Jessica C.（JC）現身活動，與同場的傅嘉莉鬥騷玉背，而女星連詩雅則騷美腿，各有睇頭。其中JC將為名模好友Ana R.擔任伴娘，問她會送甚麼結婚禮物？她表現懊惱：「佢哋乜都有，唔知送乜？所以折現，當係佢哋度蜜月小費之用。」而聖誕節JC會回美國老家跟母親一起過，屆時男友也會會合她。
傅嘉莉與JC晒玉背，各有睇頭。
傅嘉莉與JC晒玉背，各有睇頭。

傅嘉莉就自爆醉酒事件：「朋友溝咗杯酒我飲，飲完一聽到強勁音樂個頭就好暈，無耐仲眼前一黑，暈咗落地。」及後有數名男性朋友想抱起她卻失敗：「佢哋抱唔起我，有個外籍男人見到就一手抱起我，將我放喺安全地方，之後朋友就送我返屋企。」

  • 放大圖片
連詩雅（中）騷長腿，不讓傅嘉莉（左）及JC專美。
  • 連詩雅（中）騷長腿，不讓傅嘉莉（左）及JC專美。