香港電視老闆王維基前晚與台前幕後在印度會舉行派對，最近狂撐無綫的陳百祥（阿叻）誤打誤撞「踩場」，據知王維基見到阿叻時大感意外，但仍把握機會跟阿叻敬酒扮老友，事後藝員梁小冰上載兩人合照上微博，另外亦有短片流出，片中阿叻與王維基搭晒膊頭，阿叻說：「香港政府應該發多幾個牌，大家有得撈丫嘛！」王維基則搞Gag跟阿叻風「玩跪回家」，他說：「如果發牌畀我，我由將軍澳跪返屋企！」兩人更興奮擊掌，現場即起哄大笑！
其後阿叻接受電話訪問時笑言是「天意的安排」，他指其外甥約他到印度遊樂會，他卻聽錯做印度會，結果撞正港視P，並指向來對事不對人：「我一啲都冇尷尬，最近我只係針對抹黑我嘅傳媒，我個人係相當支持發牌，王維基見到我都好開心，仲講笑問我係咪撐佢。」