黃秋生放蛇做食評家

影帝黃秋生昨日出席廚具品牌發布會，經常下廚的他最拿手煮「紅蝦麵」，問會否做飲食節目？他坦承獲多間電視台邀合作，更笑稱有意去「放蛇」：「我唔想就咁講煮餸，好想去啲所謂叻嘅餐廳食，食完就鬧，有啲好巴閉嘅茶餐廳都係垃圾。（邊間肯接受你批評？）自己畀錢去食囉，用微型攝影機偷拍，有時去啲出名嘅地方食，佢啲刀功好『叻』，塊麵包切到紙咁薄！」記者提議他開食肆，秋生即笑謂：「開咪自己蝕本！」有指謝霆鋒廚藝了得，秋生認為廚藝好講細節，霆鋒看來不似。日前霆鋒亮相上海電視節目，因被指避談王菲話題而不接受訪問。