蔡少芬10倍藥餵女 灌水急救
無綫花旦蔡少芬（Ada）有兩名愛女，她不時在微博分享家庭生活。正所謂「養兒一百歲，長憂九十九」，原來Ada是名「超級緊張媽咪」！昨日其老公張晉大爆Ada烏龍事，指Ada曾試過亂餵女兒吃藥，分量超標十倍，最後要為女兒灌奶灌水才冇事。
武打影星張晉昨日到九龍塘出席慈善義賣活動，呼籲大眾救助貧窮國家的兒童，張晉被安排即場織冷帽，但見他一臉迷惘，頗為手忙腳亂，事後他直言從未織過衣物，反而爆Ada有此興趣：「佢織過兩頂帽畀我，囡囡都有，佢鍾意一家人着一樣嘅衫。」
張晉表示細女出世後，要同時照顧大女楚兒及細女信兒，每日感覺猶如打仗，更大爆Ada原來是個「緊張媽咪」，試過亂餵女兒食藥：「有次我哋一齊去馬來西亞，個女發燒，Ada餵咗佢十倍藥，仲話個女瞓得真係好喇！之後我哋先發現，佢嚇到差啲癲，係咁問點算呀？我哋即刻打畀醫生，要灌奶又灌水，好在最後冇事咋！其實有時我都擔心，但一見佢緊張我就要冷靜，唔可以兩個都咁緊張，一齊咁癲就要跳樓喇！」
連醫生都頂佢唔順
提到最近本地兒童要接受肺炎鏈球菌防疫注射，張晉指Ada繼續緊張，每隔兩日便致電醫務所，詢問囡囡是否已注射最新疫苗，連醫生也「頂佢唔順」。
張晉表示早前忙於返內地拍戲，要兩地奔波，幸今年工作已完成，最近可過湊女生活，他表示每朝早六時多便要起身送女兒返學，之後跟Ada自由活動，再接女兒放學返家，一日很快便過去。下月他可留港一家人過聖誕，內地的親人亦會來港樂享天倫。
文：影視組