謝賢出巡人氣旺

近期人氣急升的四哥（謝賢），前日與拉姑、鬍鬚Kong及一女友人於中環high tea，至下午4時半，眾人醫肚後步出，鬍鬚Kong負責送女友人離開，拉姑與她擁抱道別後，即翹住前夫四哥手臂到附近時裝店睇衫。

不一會，四哥便挑選了一條貼身長褲往試穿，又不時埋鏡照，而拉姑則在旁給予意見，但最終四哥都是揀不合心水。未幾鬍鬚Kong回來會合兩人，期間有途人認出四哥，並大讚他近日的旅遊節目好好睇，四哥即笑笑口說：「多謝！多謝！」當記者問他近期有否見過兩個孫仔？他說：「唔講屋企嘢啦！」其後各自由司機接送離開。