汪圓圓親撰謝辭免後悔
模特兒汪圓圓與玩具大王蔡志明兒子蔡加讚今晚假會展擺婚宴，每位新娘子最關心的，自然是婚禮上穿着的婚紗和晚裝，圓圓揀選的每一襲晚裝，都別具意義。雖然籌備婚禮過程繁複，但她享受過程中帶來的喜悅，更希望將喜悅傳遞給每一位出席賓客；更撰寫謝辭答謝家人。
蔡汪婚宴今晚於會展筵開160圍，今早蔡加讚（Karson）將拉「大軍」到港麗酒店接新娘，之後再到君悅酒店進行斟茶儀式，蔡家今次棄用在大宅斟茶，原是為了Karson遠道而來的好友，可參觀這難忘一刻，由於人數眾多，蔡家已訂了該酒店的總統套房。
搞婚禮唔簡單
而另一邊廂，圓圓正忙於撰寫感謝辭，她說：「家姐曾經同我講過，傳統婚禮新娘子唔會發言，交由新郎哥致辭，但家姐話依家好後悔冇講，未能親口感謝家人。我自己真係有好多嘢想講，為免後悔，都想多謝屋企人。」笑言自己英語比中文好，故尚未考慮清楚用何種語言致辭！她又說小時候曾夢想有個好美麗的婚禮：「依家個婚禮都好靚，只係唔知道原來一個婚禮要搞咁多嘢，唔止係一個人嘅事，係我同未來老公，兩家屋企人、親戚和朋友嘅事，好多嘢要兼顧，好幸運有好多人幫手。」
好友設計嫁衣
圓圓今晚的晚裝出自好友兼時裝設計師丘雪祺（Cecilia Yau）設計，圓圓說：「婚紗晚裝對一個女人嚟講，有種好特別嘅意思，我希望擁有完全係我嘅裙，要代表新娘嘅裙。」圓圓說跟Cecilia相熟，對方知道她的喜好，故一拍即合，今晚圓圓穿着的兩套晚裝及一套裙褂，均出自Cecilia作品，另外還有兄弟姊妹團的禮服及圓圓胞姊和媽咪的晚裝等。
首次為好友設計嫁衣的Cecilia，對設計裙褂感到有壓力，她笑說：「圓圓和Karson兩個都好年輕，所以佢哋嘅裙褂和長衫，我加咗啲modern元素，而且棄用傳統的大紅色，改用華麗嘅潮色。」
文：名人組