樂易玲出招要楊怡留低

楊怡去年登上視后寶座，跟無綫合約還有不足一年的她，昨日被《好報》獨家報道正密謀過檔，轉投明年1月離職無綫的經理人嘉莉自組的經理人公司，北望神州，闖內地市場！

打入冷宮

其實早前無綫台慶各花旦盛裝赴會，惟楊怡以感冒為由缺席，未料過兩日她又出席好姊妹張美妮婚禮，此舉令無綫高層大感不滿，其後無綫高層想找她「照肺」及傾續約，其經理人嘉莉卻表示「唔方便」，叫高層自己找楊怡，激得無綫欲將她打入冷宮！而日前楊怡被《好報》拍得剛完成電台訪問後，跟嘉莉在海邊密斟，其後又當司機載嘉莉到金鐘再折返將軍澳。

楊怡（中）被拍得與經理人嘉莉（後）密斟。	樂易玲昨晚出席無綫慶功宴，與曾志偉雞啄唔斷。	《好報》踢爆楊怡續約玩嘢被無綫打入冷宮。

夾唔到期

就此記者昨日致電無綫高層樂易玲，問及楊怡是否「扭計」避談續約？樂易玲禮貌地回應：「唔係，其實佢有畀過期我，不過佢得我就唔得，我得佢就唔得，夾唔到期，時間好難就。（想唔想楊怡留低？）當然希望好想傾到佢留低啦！」

文：專案組