馬國明視帝升呢埋老細堆

無綫昨晚於電視城筵開22席為《萬千星輝賀台慶》慶功，「藝員眼中的視帝、后」馬國明與田蕊妮、陳百祥、曾志偉、鍾嘉欣及應屆港姐等出席，期間舉行抽獎，獎品為4,600元銀行禮券，由製作資源部總監樂易玲及朱晨麗等抽中。

抵制政策冇影響

行政主席梁乃鵬滿意今年台慶收視，對於之前的是是非非，他強調無綫不會示弱，因46年的成績非幸運得來，呼籲同事要齊心。談到無綫明年加薪問題，梁指有信心不少於4.5%，花紅則預計平均每人有1.75個月月薪。

視帝后大熱馬國明及鍾嘉欣昨晚密密斟。	賭王三太陳婉珍昨晚畀面撐場。	今屆港姐三甲陳凱琳（中）、蔡詩貝（左）和劉佩玥也現身慶功。

馬國明奪「視帝」後升呢，昨晚獲安排坐主家席，與高層和要員同坐，拍大合照時，梁乃鵬也稱他「視帝」，令他面露尷尬。馬國明又以「阿哥」身份講話，對於集團總經理李寶安表示會無限期抵制壹傳媒，馬國明坦言社會需要和諧。談到李寶安指本周沒有壹傳媒採訪變成零污染，馬國明謂：「大家需要時間冷靜，呢排咁火，出嚟嘅嘢一定有偏頗。（佢叫藝人遵守規定。）公司藝人要跟公司決定做，（會否因此受影響？）冇，聖誕檔期爆晒。」對於梁乃鵬呼籲上下一心，馬國明亦附和謂：「希望多啲人留喺度，出面成日話公司質素差，咁都要多人喺度先有進步。」

梁乃鵬讚「視后」田蕊妮演技好。

朱晨麗抽中銀行禮券。

阿叻信任管理層

而阿叻陳百祥對於無限期抵制壹傳媒，表示此乃管理層決定，更指公司要保護資產及幾千員工：「我都覺呢個星期零污染，壹傳媒都有兩隊狗仔跟我，仲寫我同張學友有廿幾年仇怨，呢個我都唔知。」

文：影視組