楊采妮冇壓力 炮製開心B
楊采妮前晚在港出席品牌新店開幕，是她婚後首次出席公開活動。被問到可有好消息公布時，她表示未有，強調自己並非為了生B才結婚，和丈夫邱韶智有共識不要在壓力下造B，但就坦言不設防，會順其自然看天意，言下之意即隨時ready做媽咪。
新婚的楊采妮（Charlie）婚後首次公開亮相，前晚她應邀出席Marc Jacobs置地廣場新店開幕。Charlie表示已習慣了做邱太，一路都有很多人祝福她令她感到很開心，問到她可有好消息？她反問記者說：「咩好消息？（BB呀，有冇造人成功？）冇呀，自己唔係趕住生，結婚唔係因為要生B，我哋兩個都傾過，覺得唔好有壓力。（係咪不設防？）係不設防，順其自然，睇個天畀唔畀。我想要個開心BB，唔想要個壓力BB，所以唔會喺壓力之下造佢出嚟。」看來Charlie已ready做媽咪，隨時迎接小生命的來臨。
同莫文蔚冇不和
Charlie又透露過幾天便會和丈夫一起去度蜜月，會到加勒比海潛水，丈夫知她喜歡海豚，故特地安排這個旅程。她說：「今年發生好多事，仲有我哋嘅結婚大事，我哋兩個都好忙，想喺honey moon時休息吓。」而問到好友莫文蔚未有出席她的婚禮，有傳兩人不和，Charlie否認說：「冇啲咁嘅事，佢前兩日喺新加坡先打電話畀我。（約食飯當同你補祝？）我哋成日都話約，不過佢都飛得好犀利，佢婚後都依然好勤力。我哋成日都互相鼓勵對方叫大家休息多啲，大家在心中。」
JM指樂仔爛桃花
同場的Janice Man（JM，文詠珊）透露一班女仔朋友正計劃為下月生日的她旅行慶祝，單身的她坦言看見朋友一雙一對也會有少少氣餒，雖有人追卻未遇到合適的人，自言自己要求很簡單。
另外提到近日有報道指余文樂早前在派對上撩她，Janice即說：「唔係桃花嚟，係爛桃花。我嗰晚係幾開心，冇試過喺工作時喺活動上飲咁多，我好hyper，見番好多舊朋友，一熱情就hug。（有冇飲到斷片？）冇，好清晰。（有冇同樂仔hug？）有，一個招呼，好平常，我哋有一齊拍戲。（報道話佢撩你？）唔好拖我落水，嗰篇報道係想講Kary（吳雨霏）同余文樂。」
文：名人組