尹飛燕扮鬼扮「媽」眼濕濕
資深製作人丘亞葵出品的粵劇《八千里路雲和月》顛覆傳統，以重金200多萬打造4D舞台，大玩時空交錯情節，潮爆整個粵劇界，更邀得名伶尹飛燕破格飾演岳飛母親，回魂一幕眼濕濕道別岳飛，扮鬼扮「媽」都毫無難度。
由資深製作人丘亞葵（Vigo）出品的舞台粵劇《八千里路雲和月》，今天起在香港演藝學院連演四場，劇組昨日進行總綵排，由粵劇名伶尹飛燕及梁兆明主演岳母及岳飛，其中一幕講述岳母回魂，燕姐須在神主枱扮成靈照，之後再「出竅」與岳飛重聚。在綵排這幕時，燕姐除了以鬼步、垂手等盡顯功架外，更被劇情感動得眼濕濕，相當入戲。
事後，燕姐直言首次升格做媽媽兼扮鬼：「事前自己都要揣摩一下，因為要走少少老旦路線，唔可以再似花旦咁嬌俏。」她坦言對回魂這幕戲又愛又恨，因為雖能充分表現出與岳飛的母子情，但在定身扮靈照時卻要撐直全身，十分辛苦。
豪擲超過200萬
而今次舞台背景一反傳統，以多個特大屏幕組成，投放王宮後院、沙場戰地等場景動畫，更有燈光及煙霧配合。Vigo稱今次在布景、配樂、轉場設計等方面加入不少個人意見，包括有時空交錯的情節，更吸收以往製作演唱會的舞台元素，豪擲超過200萬打造4D現代粵劇。他自言最愛風波亭一幕及大鵬在頭尾出現部分：「風波亭講岳飛救唔到國家，又被奸人所害，我度劇本時中心意思係想講反戰，希望個個觀眾睇完可以感受到。而大鵬喺開場、尾場都出現，寓意係鵬舉，首尾呼應。」
文：音樂組