劉嘉玲寸李康生22年先封帝
劉嘉玲及台灣型男高以翔前晚出席酒莊周年慈善晚宴，曾到過酒莊參觀的嘉玲大讚酒莊很漂亮，更表示遇到好年份的酒都會訂貨，續說：「一嚟好飲，二嚟升值。」
提到老公梁朝偉在台灣金馬獎空手而回，她說：「佢應該承受得起，李康生廿二年未拎過，應該畀人拎吓。（安慰佢？）唔使，佢得獎係99.9%，輸0.1%都OK，啲人唔會懷疑佢演技。」她認為每個頒獎禮均有自己的立場，故賽果是公平的。她表示自己亦欣賞李康生，並說：「佢花廿二年跟住導演蔡明亮唔容易，一路堅持自己事業，要畀啲鼓勵佢。我幫梁生就當然，梁家輝同張家輝都演得好好。」
王菲霆鋒可能復合
而提到她與張曼玉近日的合照引起很大回響，她反問：「係咪大家期待已久？咪滿足吓大家。（有冇叫佢拍番戲？）冇，我見到紅姑（鍾楚紅）同青霞（林青霞）都冇叫，每個人有唔同生活模式，可能人哋唔想拍。」提到傳王菲與謝霆鋒可能復合，她說：「呢個世界咩事都可以發生。」
而高以翔則表示自己很喜歡飲紅酒和白酒，問到是否容易飲醉？他說：「可以飲一樽紅酒，但要慢慢飲。（飲醉會點？）醉了會睡覺。（醉後做過的瘋狂事？）高中試過飲醉，最瘋狂是睡在外面或在朋友家的地氈睡覺。」
文：名人組