四哥發誓戒粗口拍續集諗吓先

謝賢（四哥）、胡楓、Joe Junior昨日出席節目《三個小生去旅行》慰勞宴，據悉此節目因收視報捷、反應好而將會添食，並會加入曾江、周驄聯同現有的四哥、修哥、Joe Junior組成「四個小生加Junior」組合繼續「衝出香港」！

據知劇組正在構思去特別地方拍攝，但還未得四哥首肯拍續集。而修哥及Joe Junior就希望下次能坐郵輪拍攝，修哥說：「咁我哋就唔使每日都將廿幾件行李搬上搬落60幾次！」四哥就笑說：「唔拍呀，拍埋晒啲爛臭片、爛鬼節目！成日攞住個鏡頭對住我，啲私隱畀人聽到晒，如果唔係24小時都可以考慮。」

陳庭欣與胡楓一起出席活動。

四哥趁機向Joe Junior道歉，並發誓唔再講粗口。

恭喜栢芝有新歡

早前網上流出一段四哥爆粗叫Joe Junior 上車的片段，四哥與Joe Junior見面時即表示要向他道歉，Joe則回應說：「冇，你都係請我食『滷味』啫。」四哥即向Joe鞠躬：「真係對唔住喇，請咗你食蝦餃燒賣（粗口）。」他又搞笑讚自己講粗口講得好聽及有天份。問到他私下是否成日講粗口？，他即澄清：「梗係唔係，我最憎就係講粗口，我發誓唔再講，要向網民道歉。」在旁的修哥即說：「佢只係講個嘟字啫。」談到此節目收視高過《最佳女主角》，四哥表示多謝導演帶挈。

對於前新抱張栢芝日前爆出有新歡，四哥聞言即說：「恭喜佢！不過唔好問家事好唔好？乖啦！」問到近期出現拐B案，問到會否擔心孫仔被人拐走時，他說：「我孫仔好多人保護，個個聽到係我個孫都唔好意思搞！」

文：影視組