四太九呎九蛋糕 賀賭王生日
今日是賭王何鴻燊92歲生日，四房昨日率先為他賀壽，四太梁安琪更預備了由英國藝術家設計、高達九呎九吋的生日蛋糕送給賭王，惜設宴的酒樓樓底不夠高，令「高大」蛋糕未能現真身，幸好四太窩心地拍下照片，好讓賭王能欣賞這份驚喜！
賭王何鴻燊今日92歲生日，昨日由四房率先為他慶祝。昨晚八時許，賭王由七名男子及兩名女子護送下，到達上環賽馬會，坐在輪椅上的賭王精神奕奕，戴上毛毛帽和穿黑色大褸保暖。其後四太接受訪問指已準備了一個高達九呎九吋的蛋糕送給賭王，特別由英國藝術家設計，郭志怡開設的著名餅房SEVVA訂造，造型獨特，可惜設宴的酒樓樓底不夠高，未能把蛋糕運到現場，只能暫放在畫廊，幸四太已貼心準備了照片給賭王過目，好讓他望梅止渴！
兩度啜賀拱手say hi
其後他們一家人步出酒樓讓傳媒影大合照，超盈雖抱恙上陣，但仍紅粉緋緋，超欣的造型亦相當復古可愛，猷亨與猷君及長房女兒何超賢兒子Stanley則西裝骨骨，四太甫見記者即興奮拿出蛋糕照給大家看，二人又應要求咀足兩次，四太一如以往送上「肉嘴」，難怪賭王笑逐顏開，四太笑說：「佢同你哋（記者）一樣第一次見呢份禮物（蛋糕照），好驚喜！」隨即叫賭王揮手，賭王即精靈地拱手向大家打招呼。四太續說：「呢份禮物係我同小朋友一齊諗，啲顏色好靚，有一層代表香港恒生指數。（今日開幾圍﹖）二十幾圍。」
超欣以家姐為榜樣
提到超盈與爸爸同在港大畢業，問四太是否很開心？四太坦言：「都放下心頭大石。（畢業後幫你手﹖）等佢做一輪嘢先。（何生同佢講乜﹖）佢同仔女講，繼續讀書最緊要，支持佢繼續讀書。」問超欣爸爸可有叫她將來升讀港大﹖四太即代答：「睇下讀唔讀到。」超欣亦希望像家姐般叻女。現場嘉賓名單還有汪明荃、羅家英、郭晶晶和楊受成等人。
文：名人組 攝：追蹤組