由謝賢（四哥）、胡楓和Joe Junior主持的節目《三個小生去旅行》昨日在網上瘋傳一段四哥爆粗短片，片中四哥駕駛住Golf車，見Joe Junior行動遲緩，即笑住着令對方快手快腳上車：「上啦，X你老味，快啲呀嘛！」令不少網民驚嘆四哥粗口純熟！
據監製蘇敏儀表示，正徹查該片段為何流出！當然此鏡頭不會播映。四哥接受電話訪問，得悉「粗口片」後笑說：「邊個學我把聲咁似呀？我都唔講粗口，何況有女仔在場更加唔會講。（啲人話把聲係你。）要搵佢同我配音。」