呂慧儀驚現歪胸 沈卓盈壓扁波
無綫一年一度台慶夜成眾女星必爭之地，一眾花旦爭妍鬥麗令現場「波濤洶湧」，高海寧、葉翠翠、李亞男等谷到盡性感搶鏡，呂慧儀更驚現「歪胸」，而沈卓盈胸前因箍得太緊關係，竟變成，「壓扁波」。
高海寧除Deep V、大露背外，更配上46卡總值130萬元珠寶添貴氣，她表示刻下自己腰圍僅餘24吋，果然fit爆。由於晚裝吊帶位置貼上膠紙防移位，難怪她笑說：「今次真係要挺起胸膛做人嘞！」身上佩戴430萬元珠寶的沈卓盈，忽然露出「心型胸」，惟胸前迫得太緊關係，搞到胸部驟眼看似遭壓扁一樣，她解釋謂：「因為起先條裙有啲鬆，改咗將個扣較緊咗，咁樣安全感大啲。（咁性感男友冇詐型？）佢話OK喎。」
李亞男透得徹底
葉翠翠及黎芷珊同樣「中門大開」，後者獲景福珠寶贊助800萬元鑽飾，而李亞男則當同場的男友王祖藍冇到，自行走性感路線，以一襲黑色透視裝亮相，連黑色打底褲亦看得一清二楚，股形盡現。「人妻」呂慧儀大低胸真空上陣，再配上500萬元鑽飾，令路過的胡杏兒禁不住尖叫，開玩笑指要「行快兩步」免自暴其短，惟未知是否安全措施影響關係，呂慧儀竟驚現「歪胸」。問到可有問准老公黃文廸？呂慧儀說：「佢知，佢鍾意我着紅色。」
卸任港姐後獲力捧的朱千雪是晚「小試牛刀」，穿上晚裝展現3吋事業線，她接受訪問時嬌嗔說道：「我覺得自己好低胸嘞，着咗上身都嚇親自己，我好少咁性感！（話你咬住陳智燊唔放喎。）之前都寫過啦，總之我哋拍完個節目返嚟之後都冇單獨約會過。（疏遠佢？）咁又唔使，大家都係朋友。」
文：影視組