朱千雪腰痛 向陳智燊詐嬌

朱千雪與陳智燊早前因合作拍攝旅遊節目而傳緋聞，Tracy被指介入Jason與女友宋熙年的戀情，甚後兩位當事人先後否認。昨日Tracy與Jason同場，聯同唐詩詠為第二屆「浪琴表馬會盃」擔任模特兒示範名貴腕錶。

跳到周身痛

現場所見，Tracy與Jason全程表現大方，沒有避忌，二人不單合照，還一齊企定定接受訪問。Jason表示會在台慶當晚表演扭波，稍後便會綵排，他又指知道有同事綵排得很辛苦，此時Tracy即搭口說：「我就係嗰位綵排得好辛苦嘅同事，因為我要跳Hip Hop。依家學緊，好在冇因為跳舞而整傷，但就跳到腰痠骨痛，不過都好開心。」

Tracy稱今年是首次參與台慶，已揀定戰衣，問到會否很性感？她說：「唔會，會以靚為主。我唔單止會叫粉絲支持，仲會叫晒所有人都睇台慶。」至於唐詩詠透露最近同時拍攝兩套劇集，非常忙碌，所以在台慶當晚無需表演，她笑言：「我之前試過中咗二千蚊大利是，我知道今年台慶抽獎加碼，希望自己中獎都加碼。」

唔怕被投訴

另外，同場的葉蘊儀負責製作馬場帽飾，剛拍畢無綫劇的她謂終可以做回自己，她說：「我好耐冇背劇本，開工又日夜顛倒，冇晒朋友。（會唔會係你最後一套劇？）冇諗過，依家休息吓先。（無綫最近經常被投訴，怕唔怕套劇遭殃？）每樣嘢都有人投訴，做好本份就冇問題。（有傳同劇嘅李若彤耍大牌？）我唔覺得。」

文：名人組