朱璇胃炎心弱跳舞免役

藝人朱璇昨日以一襲高貴白色喱士短裙出席拉麵店活動，她直言自己是「拉麵迷」，最愛食拉麵，更一直想與朋友合資開麵店。而原定要為台慶表演跳舞的她表示近日因身體出現毛病，而無法參與綵排，現更決定辭演，她謂：「我都係啱啱先出院，之前又嘔又暈入咗院，醫生話我胃炎同家族性心臟功能較弱，唔可以做太劇烈運動。不過台慶當日都會出席，欣賞吓各位靚仔靚女表演。」