杏兒搶做業主 馬國明目標油王

《萬千星輝賀台慶》將於明晚在電視城舉行，全台藝人大晒冷，小生花旦傾巢演出，往年無綫都會有競猜遊戲送出獎品，雖然獎品價值數目不遜色，但今年為隆重其事，把獎品加碼至逾千萬港元，非常豪氣！繼名車、內地洋房、鑽飾、名錶等，無綫更貼心加插不少特別獎品，包括一噸汽油，以及1000股旗下股份，好讓藝人一嘗擔任股東滋味，另更揼本擲50萬元音樂MV製作及宣傳費，讓抽中藝人圓歌手夢。至於家庭觀眾，亦有機會玩遊戲抽中鑽飾、房車、股份及智能手機等獎品。

蕭正楠聞「股」興奮

對於無綫今年獎品加碼，當中送出無綫股份，「巨輪」兄弟陳展鵬與蕭正楠昨日接受電話訪問時表現興奮不已，蕭正楠謂：「我對1000股股份有興趣，第時行入公司個頭都抬高啲，信心都大啲嘛！」陳展鵬則透露向來對股價有研究，再加上無綫股有升值能力，所以也望能抽中：「我覺得公司最好平賣啲股份畀我哋，咁會令大家更團結，對公司都了解多啲啦。」胡杏兒就笑言：「梗係邊樣貴揀邊樣啦，都係抽洋房好啲，因為我喺內地未有物業。」

馬國明在玩拉枱布遊戲時，枱上的鐵叉直飛旁邊的名貴房車，令車身有花痕。

一窩瘋獎品 今年台慶的獎金獎品屬歷年來之冠，務求令全台藝員為之瘋狂，十項獎品份份重手。

何傲兒瞄準「MV獎」

而馬國明本來對價值30多萬港元的名車「虎視眈眈」，後來得悉有汽油等獎品後，他即顯得三心兩意：「我會想抽一噸汽油，因為日日都用，油好貴，做老闆我唔識，睇過相話我打工好過做老闆，所以畀我抽中股份都唔知點。我真係咩都想抽，架車5年冇換，層樓就20幾年冇換，不過我不嬲冇咩抽獎運。」曾參與《星夢傳奇》的何傲兒則視MV製作費為目標，她說：「我夢想係有自己MV，今次公司畀咁大製作費，如果抽中我會想去韓國拍，因為好靚！」

張秀文率先抽中一萬元免費簽帳額。	馬國明坦言「乜都想要」，最想抽到一噸汽油。	在《星夢》出局的何傲兒恨抽中MV製作費，可以擁有自己的MV。

玩遊戲鐵叉插名車

此外，昨日為台慶宣傳杏兒與馬國明分別做代表玩拉枱布遊戲，最終由杏兒一方勝出，並由前港姐張秀文抽中一萬元免費簽帳額。惟馬國明於拉布期間，不慎把鐵叉飛到旁邊用作獎品的名貴房車，導致車身有少許花痕，令工作人員即緊張上前查看。

文：影視組