琦琦密會Viktor & Rolf
荷蘭孖寶設計師Viktor & Rolf前日秘密來港巡視店舖，順道與粉絲會面，前晚特別舉行私人晚宴，邀請了三十位特別賓客出席，名模琦琦、洪華及星級形象指導郭慶彬均有被邀請。
琦琦大讚兩位設計的服裝，她說：「佢哋嘅設計好務實、簡約，容易carry，而且以黑白為主，配襯容易。（有冇同兩位設計師傾偈？）有，佢哋話好鍾意香港依家嘅天氣，好舒服，因為荷蘭依家已經好凍。但佢哋太忙，好多人搵佢哋影相，所以冇詳談。」琦琦又表示今次雖然是迷你晚宴，但亦落足工夫，現場布置精美，以黑白為主，好有他們的風格。