連詩雅誤入黑店狗死一生
連詩雅昨日出席寵物活動，自爆遭無良狗店欺騙，花上一萬元積蓄購下病犬Pinky，怎料翌日牠突然屙嘔大作，店主竟以「唔適應新環境」作藉口，令「初為人母」的連詩雅急急帶「女」求醫，幸最後救回一命。
歌手連詩雅（Shiga）、鄭融、衞蘭（Janice）及馮允謙昨日出席電台舉行的寵物活動，Shiga與鄭融齊齊為參賽的狗狗扮靚，最終兩隊齊奪獎。Shiga憶述當年購下病狗Pinky過程：「經過見到好得意，真係一見鍾情，用咗一萬蚊買佢返嚟，當時儲咗好耐錢，點知第二日Pinky又屙又嘔，即刻打電話去狗店，佢仲話可能係唔適應新環境，之後聽朋友講，原來嗰間係黑店！」
諗過雪藏卵子
Shiga表示幸好及時帶「囡囡」睇醫生，她說：「真係好彩，救番一命。每個星期覆診，最終用咗成萬蚊去醫。」她解釋當年因為想做媽咪才養狗：「當時冇拍拖，其實一直都渴望做媽咪，好多朋友提供生仔嘢畀我，好似雪卵子同搵代母，但入行之後都搵唔到另一半，生BB都要有爸爸。」現年廿五歲的她希望於卅五歲做媽咪，她說：「媽咪好高齡生我，所以我比同年嘅小朋友冇咁健康。（快快搵另一半？）呢個係最難，入行咁耐都冇（指拍拖）。」
衞蘭默認被追
另外，早前被拍得與男伴行公園談心的Janice，否認對方是男友：「係好Close嘅朋友。」問覺不覺對方追求她？Janice冧爆說：「佢話認識我先，佢OKo架，都唔差。」隨即自爆見過對方家長：「因為大家都係教友。」
文：音樂組