施南生獲頒法國勳章
資深電影人施南生早前獲法國政府文化及通訊部頒授法國藝術與文學軍官勳章，榮獲此等殊榮施南生依舊心情沒有太大起伏，畢竟她認為很多事也非為得獎而做：「有獎我當然開心，不過都照樣返工，（咁會唔會想再得高等勳章？）呢個獎係天跌落嚟畀我，我無特別意圖要再做咩，而且都唔知點爭取番嚟，個獎亦係無條件嘅，無話要特別再付出啲咩。」
今次得獎施南生獲好友林青霞帶同三個女兒邢嘉倩、邢愛林以及邢言愛現身支持，惟丈夫徐克卻因身於北京未能到場，問到可有越洋恭賀？施南生即耍手擰頭說：「唔使啦唔興呢啲，（爭自己最愛喺度會唔會可惜？）無，佢成日拎獎我都唔喺度。」提到兩人關係撲朔迷離，施南生亦落閘表示感情事不回答，強調兩人關係是合作夥伴，並於下月合作拍攝新戲。