劉嘉玲活出女性新典範
劉嘉玲在主演的新片《過界》中，飾演十分依賴老公的孤獨闊太，嘉玲表示因角色年紀和自己相若，較容易投入情緒，但現實生活中，名成利就的嘉玲經過順境逆境，是自主獨立的成功女性，她透露有些秘密更連老公梁朝偉也不知道：「有啲嘢唔可以同老公傾！」
影后劉嘉玲主演的新片《過界》，還未在港上映，已率先在康城、多倫多、溫哥華、倫敦、釜山等世界各地電影節參展，令首次執導的新進導演劉韻文喜出望外：「冇諗過去咁多影展，收到康城電話嗰陣都好興奮！」
嘉玲將戲中的寂寞闊太角色發揮得淋漓盡致，在各個影展中，她的演技都備受讚賞，劉韻文亦透露在寫劇本時，嘉玲已出現在她的腦海：「佢係我首選！」但原來嘉玲曾因對新導演沒有信心而推卻：「我好矛盾，因為一直都好想拍一套講女人內心、現代女人面對生活嘅態度同困境嘅電影，又開心又擔心！」最終嘉玲都被導演的堅持所感動，接拍《過界》。
與巨星合作難免緊張
劉韻文表示初與嘉玲和陳坤兩位巨星合作，雖身為導演，但都難免會緊張：「好緊張、好有壓力，但佢哋兩個都好合作，好好人，好肯聽我講嘢，開始覺得佢哋唔係一個巨星，係合作夥伴，就冇咗壓力。」
在戲中，嘉玲飾演的闊太生活重心全寄託在老公身上，現實生活嘉玲就和角色完全相反：「女人唔應該將所有寄託放喺男人身上，好冇安全感！」嘉玲更笑言老公梁朝偉並不是無所不談的傾訴對象：「有啲嘢唔可以同老公傾！我有一兩個好知己嘅，佢哋可以同你整理吓問題，方向人哋可以畀到你，但行都係要自己去行，決定都係自己，只有自己最清楚自己想要啲咩，點令自己開心！」嘉玲絕對是女人的典範！
劉嘉玲髮型：Ken Hui@ii hair and nail
Venue：Max Home@E-Max
文：影視組
攝：吳文聰