Mandy Lieu揼本請員工旅行

名模Mandy Lieu昨日穿上deep V珠片裙擔任美容院開幕禮主禮嘉賓，問她會否勤護膚抗衰老？她坦言會，因為怕老，尤其眼部和頸部，她說：「我可以唔見晒成個行李，但唔可以唔見eye cream ！我啱啱入行時淨係識落妝洗面，接觸多咗先開始注重護膚，18歲開始識得滋潤皮膚。（搵個男朋友滋潤吓？）單身都OK，我見啲朋友啱啱拍拖時係容光煥發，但單身女仔會更識得keep好自己，唔會求其，我以前拍拖都會求其啲，心態係覺得都搵到人愛我，我點樣佢都會愛我，我呢幾年都學識點照顧自己。」