關之琳冧爆男友香水調情
「大美人」關之琳與台灣富商陳泰銘傳出婚訊後首次出席活動，她雖否認結婚傳聞，但難得分享與男友點滴，指大家均愛有心思的禮物，男友親自調製的香水更令她難忘，談到男友時更不時甜絲絲地笑，可謂甜到漏！
關之琳（之之）昨日出席珠寶品牌MIKIMOTO活動時，戴上兩套共過四百萬元的珠寶示人，高貴迷人。她表示喜愛收藏古董珍珠，還有愛把舊款鑽飾自行拆出，然後砌成大型鑽石。問到男友是否常送鑽飾？她說：「正常啦，佢又送畀我，我又送畀佢，不過送日常需要嘅嘢多啲。（收過咩最驚喜？）每樣都驚喜，唔一定要貴，例如自己調製香水。」
否認情人節擺酒
盛傳她與陳泰銘於情人節拉埋天窗，問到是否最期待收求婚戒指做禮物時，她說：「唔係，個報道唔係真，依家好開心。大家都好擔心我嫁唔出，暫時未有呢個計劃，有好消息會通知大家，唔會瞞。」對於有報道指其男友終於辦妥與前妻的離婚手續，她回應：「唔係，唔係報道咁講，台灣法律亦都唔係咁，我識佢嗰時佢已經係單身。（情人節擺酒慶祝？）冇咁浪漫，依家冇以前咁hyper鍾意往外跑，想hea吓喺香港過。」
怕油煙唔學煮飯
至於是否隨時ready做少奶奶？之之甜絲絲說：「冇，我唔識煮飯，（男友要求你識煮？）係我要求自己咩都識，不過我怕油煙唔會學烹飪。（佢識唔識煮？）唔知呢，依家好多男人都識。」問到可有想過男友向她求婚？她笑說：「我會好驚跑走，如果踏前一步，可能要付出更多，依家生活好開心，順其自然。」
文：名人組