周秀娜吊住打 重擊男人最痛
藝人周秀娜與盧頌之（Dada）及余曉彤（Hidy）為主演新片《爆3俏嬌娃》，拍攝前花半年時間接受世界級拳王教練杜恆霖（Bryan）的地獄式訓練，三位靚女更在戲中對打上演「一王三后」大混戰，當中三女身穿性感SM裝使出絕招「拆導彈」狂攻拳王最大弱點男人最痛部位！
激讚好捱得
拍攝時Hidy慘被Bryan「撻生魚」再踢心口，娜姐則使出迷暈鎖迎救兼騎在Bryan膊頭上再以長腿箍頸，為拍好這場戲，娜姐更需吊威吔上場，非常落力。她亦坦言拍攝這場戲時打到好激，教練叫她們真打不用留力，她說：「現實中我哋一定唔夠Bryan打，但佢又真係交足戲輸喺我哋手上，估唔到佢除咗打拳勁之外，演技都好好。」
而Bryan則大讚三位女主角捱得，他說：「佢哋訓練時已經好捱得，每日都要打三四個鐘，就算打到周身傷都堅持落去，又唔怕辛苦。」
文：影視組