陳慧琳繽紛糖果
雖然已過了立冬，但不少女星仍然穿上色彩繽紛的服裝，似乎要為今個冬天繪出色彩！Candy Dress一聽便知道風格甜美可人，選色如糖果般大膽鮮艷，因此款式不能過分花巧，否則令服裝顯得浮誇而冇亮點。時裝作家Janice認為Candy Dress需要適量及合適的飾物配搭，如頸鏈、手鏈或鞋履，她就認為今期穿西裝褸款裙的潮媽陳慧琳（Kelly）以中性與女性化元素結合，襯得出「色」！
周麗淇
「OK，有心思嘅配搭，頸鏈highlight咗條淨色裙。Shocking pink顏色嬌艷，佢樣子仲係好少女，好襯佢白滑肌膚，充滿住青春活力。」
孫儷
「佢着出少女味道，carry得好好，條裙亦都好靚，不過對紅色鞋太唔match，而且妝容淡咗啲，可以focus喺眼妝或嘴唇。」
傅嘉莉
「短皮手套本身係rock style，但佢冇任何accessories配搭，應該戴番啲窩釘元素嘅頸鏈或手鏈。而且條裙好girlish，髮型亦都好女人，造型配搭奇怪。」
陳慧琳
「西裝褸裙款幾靚好特別，用咗peplum design，將中性同女性化結合。不過上身太直唔夠貼身，如果加條幼belt修飾線條就攞滿分。」
吳千語
「無論髮型同個樣都好女仔，下身唔應該襯對咁hard core嘅鞋，顯得硬朗咗，我認為應該着對厚底高踭鞋，match番個風格會最襯佢。」
萬綺雯
「好似就咁着咗條裙出街就算，冇任何accessories配搭好悶，冇好好發揮條裙。可以加啲寶石綠色心口針或幼belt，令造型有點綴。」
Profile
王麗儀（Janice Wong），時裝作家及博客（blogger），是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站也讚譽她為「香港首位真正的時裝權威」。