祖兒自虐狂操 晒誘人body

樂壇天后祖兒出道至今，首次於聖誕、除夕在紅館與歌迷共度佳節。她正積極為下月21至28、31日及明年1月1至6日，合共15場的《1314容祖兒演唱會》排練。今次是祖兒第七次在紅館開騷，記得上次演唱會猶如挑戰個人極限，完騷一落台她連黃膽水亦嘔出來。她笑說：「都唔知做乜鬼咁大壓力，今次真係同自己講要enjoy個表演。」

戒糖少油保持身形

祖兒個唱宣傳海報造型超激，發放性感誘惑。她自嘲當日拍攝時「好樣衰」，她笑說：「因為下身着得好少，裏面我打咗條單車褲肉色底，以為好易執走，點知係唔得，攝影師咪叫我除番出嚟，好樣衰！」她又稱演唱會的服飾應該更性感：「性感啲又有咩所謂，觀眾又摸唔到，最緊要係配合到成個演出而又安全。」

祖兒預告演唱會的造型必定比海報更性感。

近日祖兒積極排練，誓要以最佳狀態在紅館演出。

身形fit到漏的祖兒獲健身教練度身訂造餐單，她笑說：「我都會操，但唔使張家輝咁。我覺得女仔要潤澤，最緊要係firm同挺啲。」祖兒又稱進食時要戒糖、少油，她笑說：「想線條再明顯啲。」祖兒坦言做藝人都有被虐狂，經常要保持作戰狀態，不能放肆大吃大喝。

買英皇珠寶贈門票

演唱會中，特別有一part會配合平安夜及除夕普天同慶的演出。祖兒謂：「喺呢啲日子一家大細以及同最愛嘅人來睇騷，我希望觀眾離開時，會帶住好窩心同幸福感覺。」雖然被冠樂壇天后，但原來祖兒每次踏上舞台都會緊張，她說：「一定要緊張，唔緊張會冇激素畀自己發放小宇宙，喺充足準備下嘅緊張會事半功倍。」此外，英皇珠寶公布凡購買珠寶鑲嵌類首飾，滿港幣三萬元可獲贈兩張祖兒演唱會門票。

文：音樂組　

攝：秦健輝