高海寧 拒愛「爹哋」
高海寧（高Ling）在新劇「重口味」地與胡楓扮演忘年戀夫婦，現實中的她也喜歡閱歷豐富的「熟男」，可接受大自己十二年的男士，還自爆曾有比她年長廿四載的男士追求，高Ling坦言吃不消。
「咪神」高海寧在台慶劇《法外風雲》中與胡楓（修哥）演繹年齡相差五十載的忘年戀夫妻，與劇中的仔女爆發爭產，高Ling說：「呢個係一個社會現象，逢親老夫少妻，大眾自然覺得個老婆一定係貪錢，其實唔一定，愛情無分年齡，個角色係因為欣賞修哥嘅才華、修養而嫁畀佢，故事就係想講呢樣嘢，希望大家相信愛情。」高Ling由婆婆湊大，婆孫關係親密，故與修哥扮情侶相當自然，沒有感到尷尬。
演技開竅
入行後的高Ling見慣世面，自覺思想較成熟，現實中也喜歡人生閱歷豐富的「熟男」：「大我十二年內都接受到，太大又唔得，試過有個大我廿四年嘅男士追我，Daddy都係大我廿五年，好似同Daddy拍拖咁，冇法子接受佢囉！」
高Ling由去年《法網狙擊》、《法外風雲》到近期的《My盛Lady》一口氣拍多套劇集，自覺演戲由「一嚿飯」到掌握到一些竅門，《法外》的監製徐正康都讚她能handle角色，令她信心大增：「佢睇完之後讚我做到佢嘅要求，嚟緊會再拍監製嘅新劇《大藥坊》，能夠畀監製認同再用我，係個好大嘅鼓舞。」
攝影：謝國華
服裝：A/X
場地：King Ludwig（銅鑼灣）
文：影視組