春卷寸陳雅倫收聲

王宝宝指自己與李思捷已經分手，但二人仍是朋友。

藝人李思捷早前被緋聞女友陳雅倫踢爆從未跟正印女友春卷王宝宝分手，早前思捷又被拍得與春卷一起買家具。春卷昨日出席髮型活動，被問及陳雅倫指她與李思捷未分手一事，她即時寸爆說：「好明顯佢（陳雅倫）係唔知道成件事，（你同佢熟唔熟？）好明顯唔熟，（咁你同思捷係咪真係分手？）分開咗，（但影到你哋一齊？）朋友出街買吓嘢啫，咁我哋都一齊咗咁多年啦，都keep住係朋友。」她並強調不會與對方復合，因為不喜歡向後望。又謂希望陳雅倫不要再說太多，因為她根本不清楚整件事情的發展。

雨僑啪骨瘦面

而同場的藝人雨僑擔任模特兒，戴着假殭屍牙套扮演吸血鬼搶鏡，腳傷未愈的她只能着平底鞋，與模特兒合照時，即變成小矮人。另外，雨僑在微博上載了8年前的對比照，寫上「肉面飛龍變鵝蛋面，8年整程視頻即將推出！但到底頭骨可以有多少變動。」還叫大家密切留意視頻。

陳雅倫	雨僑在活動中擔任模特兒，扮演吸血鬼的她相當搶鏡。

記者致電雨僑問到是否公開整容？她說：「唔係，我幫一間美容間拍咗一條啪骨嘅片，網上有得睇，間美容院我幫襯咗七八年，啪咗之後塊面立體啲。（係咪好痛？）小小，都可以瞓得着。（怕唔怕人哋話整容？）段片都說明開過刀或削過骨唔可以做，啪骨係好大力去推，可以瘦面。（會否介紹畀歪面嘅吳千語？）佢本身都好靚女，如果面形唔對稱嘅人去整就有效。」

文：名人組