寧捱餓拒賣身 蕭正楠戒着T-back
蕭正楠昨日出席新劇造型時回應被指有富商「垂青」，他澄清從未有人問價，強調無論對方是男或女也不能接受「被照顧」，他笑說：「我發誓唔會再着T-back」。
藝員蕭正楠、黃翠如、黃智雯、梁嘉琪、李泳豪和安德尊等昨日到將軍澳電視城為新劇《師奶Madam》試造型，講到有指蕭正楠被富商「垂青」，他澄清說：「入行咁耐都冇試過畀人問價，無論男女「照顧」形式都唔能夠接受，我情願揀捱餓喇！」
靚女look變師奶
問到可有「中間人」接洽他﹖蕭正楠自爆「奇遇」說：「都冇，但有次行catwalk，發覺自己啲衫特別少布，條褲又冇拉鏈，淨係用鞋帶綁住，又叫我唔好着底褲，話Wild啲，自己即刻冇理佢，反而去買條T-back打底，但T-back真係好唔舒服、好鎅，着過一次之後發誓以後都唔會再着T-back。」劇中蕭正楠飾演臥底差人與黃翠如飾演一對混入屋村師奶圈子查案，蕭正楠不擔心與翠如傳緋聞，透露兩人劇中沒有親熱戲，因故事到後期兩人才發展成一對。
黃翠如以靚女造型示人，但卻被誤會是師奶Look，與謝雪心合照時更被曹永廉嘲笑究竟誰扮演媽媽，問到黃翠如可擔心扮師奶破壞BB形象？她說：「唔驚，我好鍾意個師奶Look，啲戲服全部都係旺角買。」對於被蕭正楠取笑是看她的廣告長大，翠如則反擊說：「我夠係聽佢啲歌大。」
李泳豪祝福舊愛
而問到李泳豪對於有指「前度」楊思琦撻着「巨聲幫」的陳康健？他謂與楊思琦沒有聯絡，其他人的事不方便評論，但若果是真的也會送上祝福。
此外，有指安德尊前女助手兼緋聞女友車厘子與鄧兆尊及其女友發展成「三人行」，安德尊表示：「冇同車厘子聯絡，同兆尊就好好朋友，未見過佢帶女友。」
文：影視組