佘詩曼拉隊贏錢橫財20萬

近年不少圈中人加入馬主行列，計有郭富城、張智霖等，他們的馬匹有不俗戰績，亦贏過不少獎金。不過並非個個藝人對馬匹有研究，前晚佘詩曼、謝天華夫婦、阮兆祥、洪天明、周家蔚、姚樂怡、文頌嫻等，拉大隊到跑馬地馬場，眾星雲集皆因齊齊支持一名圈外好友的馬匹「領航精神」出賽。

衝線一刻心情緊張

佘詩曼睇賽馬時表情多多，更出動望遠鏡欣賞賽事。

放大圖片

由於眾人對賭馬一竅不通，一心只到場當啦啦隊為馬匹打氣，沒料馬主朋友豪氣自掏腰包為眾星落注第3、6場連贏過關，故第3場開跑，他們即聚精會神留意G「領航精神」，馬匹一出閘，「7號、7號」聲音此起彼落，直至看見該馬匹衝線入Q後，阿佘等人即不禁歡呼大叫！之後第6場亦順利勝出，結果他們贏了逾廿萬彩金，每人分到萬多元，當然飲得杯落。

對於不用花上半點錢便有錢落袋，阿佘昨日接受電話訪問時難掩興奮心情。她笑言馬匹衝線一刻非常緊張，當得知勝出後不禁大叫歡呼，不過暫時未想到如何獎勵自己。

阿佘更自爆有橫財運，她笑謂：「平時有買開六合彩，我都有呢啲運，試過好多年前贏過十幾萬，期間間唔中都會中一千幾百o架！（識賭馬？）梗係唔識啦！都係靠朋友畀貼士玩吓咁囉！」有份當啦啦隊的天華亦笑言：「平時都唔買馬，連六合彩都冇。（咁咪係『青頭仔』？）算係o架！一入馬場就贏錢。（點用？去旅行？）假都未有得放，之後仲要返內地登台，遲啲先算啦！」

周家蔚買鞋氹囝囝

與老公孖住入場的周家蔚則笑謂：「見到大家一齊為隻馬打氣，又一齊叫，成班人表現到好團結，每人都分到萬幾蚊。（點用？）會幫個仔置裝，佢就快一歲，之前個仔啲衫大部分係人哋送，見近排天氣開始轉涼，佢又學緊行路，諗住買對皮鞋畀佢，等佢扮到靚靚咁過聖誕。」姚樂怡則稱視彩金為lucky money，一班人已即晚食飯慶祝，不過暫未想到如何運用彩金。

文：影視組