基仔亂集郵 矮足一個頭
英皇一哥古巨基繼2005年榮膺「香港十大傑出青年」後，再度獲得首屆世界廣府人懇親大會頒發「十大傑出青年」，昨日與其他得獎人士霍震霆長子霍啟剛及著名籃球員易建聯親臨廣州出席頒獎禮。基仔成立古巨基兒童基金後，積極在世界各地助養小朋友，成為一位「無國界爹哋」，他說：「咁多年嚟，喺世界各地我已經助養咗40位兒童。」果然善心爆棚！
由於今次獎項只頒發給廣東人，基仔說：「我父母都係廣東人，每年過年都會返廣州，所以呢度對我嚟講好有親切感。我攞到呢個獎好榮幸，多謝評審們對我嘅肯定。」
讚易建聯昂藏七尺
頒獎禮上，基仔與霍啟剛互相恭喜，基仔還恭賀啟剛榮升人父，問到基仔可有被對方催生？他笑言：「咁又冇喎！」首次與易建聯見面的基仔被對方近7呎身高吸引，主動出擊邀易建聯合照，矮足一個頭的基仔說：「平時我喺朋友之中已經屬於好高（5呎11吋），但我企喺易建聯隔籬，我只到佢膊頭，我讚佢真係昂藏七尺！」
文：音樂組