陳雅倫猴擒襲肌男
性感女星陳雅倫昨日到會展出席「RED x Syneron eSpa美容儀器發布會」，興奮地為兩名男模除衫示範美容機，又摸他們的胸肌腹肌，非常猖狂！事後她笑言：「搞吓氣氛，冇咁悶，我唔係咁猴擒o架！大家唔好誤會。（見到心儀男士呢？）會做主動嘅，但通常唔會喺蒲場識男友，大家飲醉都唔清醒，我希望了解清楚先。（接受one night stand？）唔會，我幾保守，依家係宅女，匿喺屋企上網shopping。」
提到緋聞男友李思捷被拍到與舊愛「春卷」王宝宝拍拖，陳雅倫說：「乜佢哋有分開過咩？其實我同佢（思捷）不時有聯絡同出街，只係好朋友，拖手唔代表有嘢！」另外，對於被指人工受孕，她直指報道荒謬。
