陳百祥（阿叻），日前揚言若無綫台慶收視只得2、3點，就由電視城跪到返屋企，昨日他出席活動時就笑言被曾志偉指他玩大咗，但他就繼續玩嘢，笑言：「細唔啱我玩！如果真係得2、3點，我唔止跪，我死咗佢，唔死都冇用啦！」他又不怕網民指摘，呼籲市民開電視：「我讀得書少，淨係識魯迅嘅『橫眉冷對千夫指』！」他強調希望大家充滿正能量：「邊有望人閉翳㗎！我就相反，我日日望人發達嘅！」
同場的莊思敏亦支持阿叻言論，又指無綫伴她成長，不能抹殺它的功勞。她又透露稍後將首次執導微電影。
