鄭伊健聖誕留港拍片

鄭伊健昨日出席商場活動，並獲贈由水晶砌成的機械人，他玩遙控火車時更盡顯童真的一面，他笑言：「其實依家好多玩具都係畀大人玩o架，希望大家喺聖誕時玩得開心，依家全世界都好複雜，好多負面嘢。」

他又透露今年聖誕會留港拍戲：「係純港產片，依家都好少片可以喺香港取景，通常一半會返大陸拍，所以今次可以拍番啲有香港特色嘅片都幾好。」他又笑言在香港拍戲收工「有家可歸」:「前排去咗布拉格拍，雖然個景好靚，但係收工就冇得返屋企囉。」