「阿叻」陳百祥不相信無綫台慶夜收視會跌至兩點，並承諾如果出乎意料的話，自己會「由電視城跪返屋企」。此言一出即惹來有心人大做文章。阿叻昨日接受電話訪問，堅拒收回有關言論。他謂：「我係超級鑽石擦鞋仔，咁又點啫？我打無綫工，梗係擦無綫鞋啦！如果啲人講乜我都要上心，我咪跟喺佢哋後面？大家諗清楚，依家都唔係無綫阻（電視）發牌喎！」
