克勤爆子華壓力大 唔敢獻聲

李克勤、周志文、吳業坤及劉威煌等，前晚於電視城錄影節目《第七屆粵港安全知識競賽》。提到下月舉行的「麟李」十周年演唱會，克勤透露棟篤笑環節會分為兩部分，當中涉及不少民生熱話。

克勤表示半年前已邀黃子華幫手度橋：「呢排周圍發生好多嘢，個騷當然或多或少會觸及到，但驚尺度唔知多咗定少咗，所以搵咗子華嚟鑑證。我哋唔會以批判方式，係以小市民心態笑吓，唔會影響他人。」原本他想請子華上台唱歌，不過對方稱壓力大而拒絕。

周志文冇搵馬賽

同場的周志文與馬賽拍劇集《名媛望族》而傳緋聞，對於馬賽疑與同性密友汪子琦撻着，他自稱是局外人，明顯與女方劃清界線，問他知否馬賽性取向？他說：「自己就唔察覺，我哋主要喺角色上交流。（你哋傳過緋聞！）劇入面結過婚啫。」提到曾與馬賽傳緋聞的吳卓羲稱「總算還我清白」，周志文說：「我關心嘅唔係呢樣嘢，好多觀眾都關心佢幾時再做個好角色，大家都知佢係個好演員。」

周志文坦言沒有聯絡馬賽，因不想騷擾對方。他說：「我諗局外人暫時唔好講咁多說話。（冇同佢一齊過？）馬小姐？係！」對於女友袁紫僑寸馬賽虛偽兼做小三，他解釋：「可能女性喺呢方面敏感啲。」

「麟李」邀得黃子華（中）為棟篤笑環節度橋。（資料圖片）

一眾「巨聲幫」在台上又跳又唱，默契十足。

另外，汪子琦昨日於微博指人心最難測最複雜：「其實高峰也好，低潮也好，都是一種磨練……貴人給予的仁慈也好，小人給予的殘忍也好，任何空間，天佑善良。」似是呼應馬賽日前所寫的「因為懂得，所以慈悲」。

文：影視組