歌手周柏豪今日牛一，最近他成功申請到明年的紅館檔期，落實紅館處男騷，可謂是最佳的生日禮物。公司一班同事特別為他提前慶生，預祝他歌影雙線繼續走紅，柏豪講到最近在泰國拍戲的經歷：「依家每日拍攝都要提早三個鐘化特技妝同埋一個半鐘卸妝，喺炎熱環境下拍攝都好辛苦，但今次係突破性演出，覺得就算點犧牲都係值得。」
