胡杏兒受惠新政 認老唔捱得

無綫花旦胡杏兒、吳卓羲、岑麗香和羅仲謙等昨日在將軍澳電視城為新劇《醋娘子》試造型，杏兒被問到新劇是否與《我的野蠻奶奶》類似，會否令她勾起與「前度」黃宗澤的回憶，她尷尬笑說：「唔係啩，背景都唔同，呢套講我鍾意呷醋，唔野蠻，希望同《野蠻奶奶》唔似啦。」無綫宣布縮短工時讓演員有足夠時間休息，杏兒指新劇現時已有十多集劇本比過往大有進步，講到大增休息時間，杏兒說：「其實都難嘅，但係應該會好啲嘅，我老喇唔係好捱得，真係要瞓多啲，唔係好易殘。」

草地結婚行禮

此外，杏兒前晚出席婚紗活動指對婚禮還有憧憬，希望在有白色帳蓬的草地舉行簡單婚禮，但大前提是還未有另一半。但杏兒表示結婚一定選擇公開。

講到陳錦鴻約滿無綫後有意外闖，楊怡也考慮不簽經理人合約，杏兒則說：「坦白講TVB係非常大嘅平台，要養好多人，人工可能低啲，錦鴻向外爭取都啱，佢要養老婆同個仔，希望公司愈做愈好，快啲加人工。」

吳卓羲多劇拍

至於，在日前舉行的無綫節目巡禮來年霸佔三套劇集的吳卓羲，現時正忙於《忠奸人》拍攝，緊隨開拍《醋》，講到被無綫力捧，他笑說：「《商戰》係臨時拉夫拍攝，到時未必係我拍，我要返大陸搵錢，要食飯供樓o架。」首次拍古裝劇的岑麗香則扮演書僮與羅仲謙再扮情侶，她笑謂希望觀眾不會看厭。

文：影視組