子華畀女圍賀爾蒙失調
黃子華最近再為無綫拍劇，該劇將播映，宣傳片亦曝光，其中一段片見演戀愛專家的子華被陳敏之及高海寧等大班美女包圍，但子華直言對此場面感吃不消，認為會對賀爾蒙有不良影響。對於視帝之爭，屬實力派的子華看得淡然，反而睇好「Cool魔」張智霖及「Sam哥」吳鎮宇可稱帝。
久未為無綫拍劇的笑匠黃子華，早前與徐子珊及陳敏之等拍無綫劇《My盛Lady》。演戀愛專家的子華，為單身女性尋姻緣，他還與「港女」子珊有感情線，當中不乏搞笑場面。難得有實力派演員加盟，無綫特別安排《My》劇於台慶月播出，近日更推出宣傳片造勢。
敏之凌空獻吻
為顯示子華在劇中能為任何類型女士找姻緣，其中一條宣傳片見子華被敏之及高海寧等大批女士包圍，記者昨致電問子華是否享盡艷福？他反應明顯吃不消：「係就係畀好多女圍，其實大家有冇諗過，咁樣會對賀爾蒙有不良影響？我覺得不宜多做，一個月一次好嘞！」子華演技備受肯定，問他有否信心爭視帝？他淡然謂：「視帝？今年唔係張智霖就吳鎮宇，唔使爭。」
敏之與阮兆祥在《My》劇中演歡喜冤家，兩人的一場吊威吔凌空咀戲令敏之印象難忘，她謂：「拍呢場戲好緊張，因為首次咁拍咀戲，感覺好似喺漫畫入面咁，好得意。」
《法外》收投訴
此外，新劇《法外風雲》過去一周收到5宗投訴，通訊事務管理局收到11宗投訴，指內容誇張失實，《On Call 36小時II》則有8宗投訴，指內容扭曲醫學常識及破壞醫生專業形象。
文：影視組