婷婷單身聖誕 搵朋友慰藉

謝婷婷與陳豪昨日主持「體驗夢工場冬日冰之巡禮」啟動儀式，婷婷對於分手後的首個單身聖誕，她直言沒有特別感觸，已計劃與朋友開派對，她說：「唔知屋企人到時喺唔喺香港，但朋友都係我屋企人。（有冇追求者？）冇，順其自然，工作為先。」

祝福栢芝結新歡

至於有傳她的前嫂嫂張栢芝有新歡，問有否聯絡？她不斷表示不清楚，迴避記者問題：「唔清楚，佢嘅嘢可唔可以唔答？」但提到姪仔就笑逐顏開，問到會否買聖誕禮物送給兩個姪仔？她直言：「會呀。（買咗都送唔到畀佢哋？）唔緊要，都係有個意思。（聖誕節見佢哋？）唔知，佢哋咁得意，會掛住。（栢芝有新歡你會唔會祝福佢？）都會，無論係邊個我都會祝福，因為係好事。」

寓意陳豪追個女

而準爸爸陳豪在台上獲贈粉紅色的BB衫，寓意他追多個女，他直言好多朋友送BB用品給他，省下不少錢，反而怕照顧BB時會雞手鴨腳：「生完會好緊張，兩邊（媽咪和BB）都唔可以分散注意力，BB出世頭一個兩月，會減少工作。（BB聖誕節出世？）畀BB自己揀。」他表示自己不怕血，故會入產房剪臍帶。

文：名人組