古巨基升呢世界級傑青

英皇一哥古巨基日前獲「首屆世界廣府人懇親大會」頒發「十大傑出青年」，當選者還有曾勇闖美國NBA的籃球員易建聯及榮升爸爸的霍啟剛，而香港著名粵劇名伶紅線女則獲「十大傑出人物」。

揮低397位同鄉

早於2005年，基仔曾當選「香港十大傑出青年」，這次基仔成功揮低全球三百九十七位來自廣府的「同鄉」，升呢做「世界級」傑青，可謂光宗耀祖。身在台灣的基仔接受記者越洋訪問，直言對獲獎感到榮幸，並指一向「善」用知名度做好事：「作為藝人除咗做好自己工作外，仲可以利用知名度，做好多有意義嘅事。」

紅線女與霍啟剛同告獲獎。

霍啟剛

以身作則去行善

愛心爆棚的基仔更以身作則，鼓勵大家齊齊共襄善舉：「希望除咗自己之外，可以影響到更多人去關心社會上需要幫助嘅人，特別係小朋友，因為佢哋係社會嘅未來。」他除了參與不同慈善活動廣種善緣外，早年亦成立「古巨基兒童基金會」，化身「護苗使者」幫助社會上不同的小朋友。

另外，早前基仔夥拍內地歌手李泉出戰央視節目《夢想星搭檔》，更勇奪第一輪比賽的冠軍，基仔唱功可謂無庸置疑，唱得又有愛心的基仔，確實是當今藝人的一個好典範。

文：音樂組