前港男黃建東（Derek）早前在無綫劇《愛．回家》中扮演醫生後，冧莊在新劇《貓屎媽媽》中再度「行醫」，他分析自己獲睇中演醫生的原因，他說：「可能我做開娛樂新聞主播，加上演過舞台劇，導演、監製對我諗長對白同專業名詞會有信心，不過我拍前一晚背咗好耐劇本，背到熟晒至敢瞓覺，因為唔想NG，累大家遲收工。」
雖然Derek醫生形象正經，但他卻想在鏡頭前表現輕鬆一面，他說：「上次因為剃咗頭演古裝劇，所以喺《愛．回家》度戴假髮扮醫生，有朋友笑我造型太騎呢，但我鍾意行搞笑路線！」
