松岡發揮才藝火猴十足

日模松岡李那（Linah）在展覽中面對一比一大的Monchhichi，表現非常興奮。創辦人關口晃市、社長吉野壽高及設計師山崎和江更來港作親善探訪，Linah獲得山崎和江親自教授畫功，令Linah感覺得非常榮幸！

成床公仔快冇位瞓

現場所見，設計師山崎和江耐心地教Linah畫出外形，起初見Linah雞手鴨腳，不過在星級指導教導下，已經畫得有板有眼，不消十五分鐘已經畫好製成品。雖然Linah將Monchhichi畫成「包面版」，不過已獲創辦人關口晃市高度讚賞，大讚Kawaii（可愛），令她開心不已。

而Linah坦言是個公仔迷，家中擺放各種毛公仔，她說：「平時放工返屋企，見到佢哋會充滿力量，個人都會開心啲！（鍾意咩類型？）我鍾意啲可愛型，好似我外表一樣！平時我行街見到啱就會買，所以我就嚟連床都冇位瞓啦！」關口晃市表示，希望猴公仔繼續發放愛與和平的訊息。

Linah童心未泯，最愛毛公仔。	身為親善大使的Linah，在場見到Monchhichi非常開心，旁為創辦人關口晃市！	Linah在設計師山崎和江指導下畫畫作。

文：專案組

攝影：唐豁莊

場地：東港城